Inilathala ni Shiloh Marren Laciste mula sa Taong IV, Silid Bilang
VII.
Ang labing pitong taong gulang na si Maria ay mahilig mag-internet.
Walang araw na hindi nakahagilap ang kanyang mga mata sa apat na sulok ng
monitor ng kanyang kompyuter. Lagi niyang tinitignan ang mga websites kagaya ng
Twitter, Facebook at Youtube. Ang kanyang mga kamay ay hindi mapagod-pagod sa
kakapindot sa mouse at sa keyboard. Minsan siya ay tumatawa, umiiyak at
nagugulat ng mag-isa. Kahit na yayain siya ng mga pinsan niya na maglaro sa
labas, siya ay tumatanggi dahil sa kanyang palagay mas masaya magkompyuter kaysa magpapawis sa labas.
Isang araw, may napunuod siya na music video sa Youtube na may
pamagat na Gangnam Style. Nakapaloob sa
music video na iyon ang isang lalaki na sumasayaw na parang nangangabayo.
Bagama't hindi niya naiintindihan ang kinakanta ng lalaki, patuloy niya pa rin
pinapanuod iyon. Nagsaliksik siya tungkol sa video na iyon para mas higit
niyang maintindihan kung anong sinasabi ng lalaki na kumakanta at para malaman
kung anong bansa nagmula iyon. Ayon sa kanyang pananaliksik, natuklasan niya na
ang kumakanta ng Gangnam Style ay si
PSY , sikat na maangaawit galing sa bansang South Korea. Sa patuloy niya na
panunuod ng video na iyon ay natuto rin siya kung paano kantahin at sayawin ang
Gangnam Style. Laging naririnig sa
kanilang tahanan ang mga salitang katulad ng " A rum de wo sa rang su
ro wo..."
na hindi naman naiintindihan ng kanyang pamilya.
Hindi nagtagal ang music video na iyon, ay hindi
lamang sumikat sa bansang Korea bagkus sa buong mundo kasama dito ang ating bansa.
Lagi ito pinapakita sa telebisyon at pinapatugtog sa radyo. Sa anumang uri ng
okasyon ay maririnig mo ang kanta na iyon. Ang Gangnam Style ay pinarangalan ng Guiness Book of Record bilang most
liked video sa kasaysayan ng youtube sa taong 2012.
Ang Gangnam
Style ay nagging parte hindi lamang sa buhay ni Maria bagkus sa buhay rin ng
mga ibang taong tumatangkilik nito. Sa panahong ito, matutunghayan ang pagkapareparehas
ng kinagigiliwan ng iba't ibang bansa sa larangan ng musika. Tunay na ang Gangnam Style ay nagkaroon ng tatak sa
kasaysayan ng ating mundo. Kung ikaw ang tatanungin, ano ang music video sa
panahon mo na sa tingin mo ay tumatak sa buhay mo at sa kasaysayan ng buong
mundo?
(i-click lang ang link para mapanuod ang music video)
Walang komento:
Mag-post ng isang Komento